የዘመነ ዲጂታል ኢኮኖሚ የዕድገታችን መሰረት ነው'' በሚል መሪ ቃል የሀላባ ዞን ሳይንስና ኢንፎርሜሽን ቴክኖሎጂ መምሪያ ከዞኑ ት/ት መምሪያ ጋር በመሆን የተዘጋጀ የፈጠራ ስራዎች ውድድር፣ ባዛር ፣ የፈጠራ ስራዎች ኤግዚቢሽን እና ፓናል ውይይት መድረክ ተካሄደዋል።

📅 May 23, 2025 | 🖊️ Admin

በጅምር ላይ ያሉ የፈጠራ ስራዎችን በመደገፍ ሙያዊ እገዛም በማድረግ ለተሻለ ውጤት ማብቃት ከሁሉም ይጠበቃል - አቶ አበበ አልዬ

 

ግንቦት 1/2017 "

የውይይት መድረኩን የመሩት የሀላባ ዞን ዋና አስተዳደር ማሀበራዊ ዘርፍ አማካሪ አቶ አበበ አልዬ እንደገለጹት ዓለም ዛሬ በቴክኖሎጂ ብዙ ርቀት የተጓዘ በመሆኑ እንደሀገር የፈጠራ ስራ ላይ ልዩ ትኩረት ማድረግ እንዳለብን ወቅቱ በራሱ ያስገድደናል ብለዋል።

በጅምር ላይ ያሉ የፈጠራ ስራዎችን በመደገፍ ሙያዊ እገዛም በማድረግ ለተሻለ ውጤት ማብቃት ከሁሉም እንደሚጠበቅ አቶ አበበ አልዬ ገልጸዋል።

በየትምህርት ቤቶችና በግል ደረጃ እየሞከሩ ያሉ የፈጠራ ውጤቶችን ህዝቡ እንዲያውቅ በማድረግ የፈጠራ ባለቤቶችን መደገፍ እንደሚያስፈልግ ገልጸዋል።

ትውልዱ በፈጠራ ስራዎቹ የማህበረሰቡን ኑሮ የሚያቀሉ ግኝቶችን እንዲያበረክት ለማድረግ ዘርፉን መደገፍና ማገዝ ጨምሮ ባለተስጥኦ ወጣቶችን መፍራት እንደሚገባ ተናግረዋል።

የፈጠራ ተግባራትን ለመደገፍ ረገድ የባለድርሻ አካላት ርብርብ ወሳኝ በመሆኑ በማመላከት የዞኑ አስተዳደርም የሚጠበቅበትን ለማድረግ ዝግጁ መሆኑንም አቶ ከድር አረጋግጠዋል።

አዳዲስ የፈጠራ ስራ የሚሰሩ ወጣቶች ፈጠራቸውን ትርጉም ባለው መልኩ የማህበረሰብ ችግር መፍቻ ለማድረግ በመምሪያው በኩል የጀመሩ ስራዎች ተጠናክሮ መቀጠል እንደሚገባ አሳስበዋል።

የሀላባ ዞን ሳይንስና ኢንፎርሜሽን ቴክኖሎጂ መምሪያ ሀላፊ አቶ መሀመድ ሀሰን በበኩላቸው መምሪያው ፈጠራ ሐሳብ ያላቸው ወጣቶች በስፋት አውጥተው እንዲያስተዋውቁ ከፈጠራ ባለቤቶቹ ጋር በቅንጅት እየተሠራ እንዳለ አስረድተዋል።

መምሪያው ለእነዚህ አካላት ከሀሳብ ጀምሮ የተለያዩ ድጋፎችን እያደረገ መቆየቱን ሀላፊዋ ተናግረው ይህንን ይበልጥ አጠናክሮ እንደሚቀጥል አስታውቋል።

በየዓመቱ በተማሪዎችና በግለሰቦች የተሰሩ የፈጠራ ውጤትች በኤግዚቢሽን መልክ ለህዝብ ክፍት ሆኖ እንዲተዋወቅ እየሠራ እንዳለም ገልጸዋል።

የፈጠራ ውጤቶችን ይዘው የቀረቡ ወጣቶችና ተማሪዎች ከወዳደቁ ቁሳቁስ የተለያዩ ችግር ፈቺ የፈጠራ ውጤቶችን ማፍለቅ ነው ብለዋል።

የሚመለከታቸው አካላት ያልተቆራረጠ ድጋፍ የሚደረግላቸው ከሆነ በዘርፉ የተሻለ ቴክኖሎጂ ማፍለቅ እንደሚችሉ አቶ መሀመድ አስገንዝበዋል።

በዕለቱ የፈጠራ ስራዎችን ለኢግዚቢትነት ላቀረቡ ተማሪዎች እና በዕለቱ ለተወዳዳሪ አሸናፊ ተማሪዎችም ሽልማት ተበርክቶላቸዋል።

በመድረኩ ላይ የሀላባ ዞን ትምርህርት መምሪያ ሀላፊ ዶክተር ኤፍሬም ዘለቀ፣ የዞን ማህበራዊ ዘርፍ አመራሮች፣ የአራቱም መዋቅር የሳኢቴ እና የትምህርት አመራሮች፣ የፈጠራ ባለቤቶች እና ሌሎች የሚመለከታቸው ባለድርሻ አካላት ተገኝተዋል።

በሹኩር ሀ/ሀሰን https://halabasit.gov.et/

📰 Related News

💡 የክህሎት ማጎልበቻ ስልጠና ለባለሙያዎች እየሰጠ መሆኑን የማዕከላዊ ኢትዮጵያ ክልል ሳ...

18ኛው የሰንደቅ ዓላማ ቀን በማዕከላዊ ኢትዮጵያ ክልል በሀላባ ዞን ተከበረ

የ2018 ዓ/ም ቴክኖሎጂ አዲስ መንገድ፣ Alexa+ እና Smart Ring በቤትዎ ውስጥ

ቢግ ዳታ(Big Data ) ምንድነው

በማዕከላዊ ኢትዮጵያ ክልል በ2017 በጀት አመት ከ72,400 በላይ ዜጎች የኢትዮ ኮደርስ ...

የሀላባ ዞን የማህበራዊ ኮማንድ ፖስት የ90 ቀን ዕቅድ አፈጻጸም

የ2017 በጀት አመት የሀላባ ዞን ዌራ ወረዳ ሳይንስና ኢንፎርሜሽን ቴክኖሎጂ ጽ/ቤት 1ኛ ...